Hemen zaude: Hasiera › Tramiteak eta zerbitzuak › Udal tramiteak › Obrak, jarduerak eta hirigintza › Obra handietako baimena edo lizentzia

Obra handietako baimena edo lizentzia

Deskripzioa: etxe berriak jasotzeko obrak; eraikinak handitzeko, berriztatzeko, zaintzeko, tinkotzeko edo gogortzeko obrak egitea, eraikinaren egiturari eragiten diotenak edo fatxada eta teilatua aldatzekoak; lurrazpian egindako obrak; eraikinak botatzekoak; eta orokorrean, lurzoruaren okupazioa edo bolumen gehiago hartzea eskatzen duten eraikuntza edo instalazio obra guztiak; lehendik jasotako instalazioei edo eraikinen egiturari eragiten diotenak; urbanizazio-obrak.

Eskaera egiteko tokia: PEGORA, Herritarren Zerbitzurako Bulegoa.

Tramitatzailea: Eibarko Udalaren Hirigintza Saila.

Aurkeztu behar diren agiriak:

  • Eskatzailearen eta dagokionean ordezkariaren NAN, IFKaren… edo horren balio bereko beste dokumenturen baten fotokopia. NAN, IFK… dokumentuen alde biak A-4 neurriko alde bakar batean inprimatuko dira.
  • Legezko ordezkapenaren kasuan, eskaera izenpetzen duenaren ordezkapena dokumentu bidez egiaztatua. Egiaztapen hori, zuzenbidean baliozkotzat har daitekeen edozein bitartekoren bidez egin daiteke (notario-ahalordeak, eskriturak…).

Eraikinak handitzeko, berriztatzeko, zaintzeko, tinkotzeko edo gogortzeko obrak egitea; eraikinaren egiturari edo fatxadari eragiten diotenak edo bokumena edo azalera gehitzekoak

  • Proiektuaren ale bi.
  • Lanak bere gain hartzeko orriaz justifikatutako zuzendaritza teknikaria, dagokion lanbide elkargoak bisatuta.
  • Eraikin ordezpena izanez gero, jabetza-titulua.
  • Eraikin berria izanez gero:
    • Hirigintza-aprobetxamendua eskuratu izanaren egiaztagiria, titularrak beregana ezina, lizentzia eskuratzeko beharrezkoa.
    • Jabetza-erregistratzaileak luzatutako egiaztagiria, birpartzelazioa (edo konpentsazioa) behar den moduan erregistratu dela jasotzen duena.
    • Obra-eragilearen legezko ordezkapenak izenpetutako konpromisoa, eraikuntza eta urbanizazioa batera egingo dituela bermatzen. Hala ere, hirigintza-aprobetxamenduaren eskubidea eta eraikitzeko eskubidea behin-betiko eskuratzea, urbanizatu-beharra betetzearen menpe egongo da, TRLS edo Lurraren Legeko 33.2 artikuluak xedatu bezala.
    • Aurrekoaren modu berberean izenpetutako konpromisoa, harik eta urbanizazioa amaituta egon arte eraikina ez dela erabiliko esaten, eta eraikinaren zatiren bat edo eraikin osoa erabiltzeko jabetza-eskubideen edo erabilera-eskubideen lagapen guztietan baldintza horixe ezartzeko konpromisoa.
    • Diru-fidantza, urbanizazio lanak egingo direla ziurtatzeko.
 

Dorre-garabiak jartzea:

  • Teknikari gaitu batek egindako proiektu bisatua. Proiektuak hauxe islatu behar du: kokapen-planoa -garabiak hartuko duen gehieneko altuera adieraziko duena-; kontrapisuaren posizioa; garabi besoak hartzen duen errazte-gunea eta gantxutik eskegitako orgak hartzen duena; errazte-gunearen barruan dauden eraikuntza eta instalazioen altuera.
  • Ziurtagiria, dorre-garabia jarri duen enpresak egindakoa, ondo jarri dela eta ondo dabilela esaten.
  • Aseguru-poliza.
  • Garabia herri-jabariko lurzoruen gainean jarri behar bada, lizentzia-xede den finkaren barruan jartzeko dagoen ezintasuna justifikatu behar da; herriko lursaila zenbat denborarako okupatuko den azaldu eta dorre-garabiaren oinarriak hartuko duen lekua zehaztu, baita gune hori babesteko jarriko den babes-itxitura ere.

 

Eraispena:

  • Proiektuaren ale bi, bisatuak.

 

Hondakindegiak eta zabortegiak:

  • Bisatutako proiektuaren hiru ale.
  • Lanak bere gain hartzeko orriaz justifikatutako zuzendaritza teknikaria, dagokion lanbide elkargoak bisatuta.
Deskargatu dokumentuak
Obra handiak egiteko lizentzia edo baimena eskatzeko orria  
Ikusi | Deskargatu ( PDF, 166 KB)