Ezinduendako aparkaleku-txartela. Eskaera-berriztapena

Deskripzioa: ezintasunak dituzten pertsonentzako txartel honek, horretarako seinalatutako lekuetan eta, ezinbesteko denboraz, baita aparkatzea debekatuta dagoen lekuetan txartelaren titularrari aparkatzea uzten dio.

Eskaera egiteko tokia: PEGORA, Herritarren Zerbitzurako Bulegoa.

Txartela ematen duen erakundea:

GIPUZKOAKO FORU ALDUNDIA
GIZARTEKINTZA DEPARTAMENTUA
Txara 2 - Zarategi 99
20015 Donostia

Organo tramitatzailea: Eibarko udaleko Gizartekintza saila.

Aurkeztu behar diren agiriak:

• Ezinduendako aparkaleku-txartela eskatzeko inprimakia behar bezala beteta.
• Eskatzailearen (ezintasuna duen pertsona) eta dagokionean ordezkariaren NAN, IFKaren… edo horren balio bereko beste dokumenturen baten fotokopia. NAN, IFK… dokumentuen alde biak A-4 neurriko alde bakar batean inprimatuko dira.
• Legezko ordezkapenaren kasuan, eskaera izenpetzen duenaren ordezkapena dokumentu bidez egiaztatua. Egiaztapen hori, zuzenbidean baliozkotzat har daitekeen edozein bitartekoren bidez egin daiteke (notario-ahalordeak…).
• Ezintasun mailari buruzko aitorpenaren fotokopia.
• Argazki 1, karneterakoaren neurrikoa.
• Ezintasuna duen pertsonaren erroldatze-bolantea.
• Ezinduak ez badu bere kabuz jarduteko gaitasunik, bere izenean datorren pertsonaren legezko ordezkapena egiaztatzen duen dokumentua.

Bete beharreko baldintzak:

• 3 urte baino gehiago edukitzea.
• Eibarren erroldatuta egotea.
• Foru Aldundiko Balorazio, Orientazio eta Kalifikazio Atalak emandako aldeko irizpena duen ezintasuna duten pertsonei ibilgailua aparkalekuan uzbeko txartela emateko txostena edukitzea: "A", "B" edo "C" ezintasun maila edo bestelako mugikortasun-arazoetan gutxienez 7 puntu edukitzea.

Txartelaren baliozkotasuna: Euskal Autonomia Erkidegoan eta Europako Batasuneko kideak diren estatu guztietan izango du baliozkotasuna. Txartela bost urtean behin berritu beharko da. Txartela berritzeko eskaera, txartelaren iraungitze-data baino 3 hilabete lehenago aurkeztea komeni da.

Txartelaren erabilera: ibilgailua aparkalekuan uzteko txartela erabiltzeko, honako baldintza hauek bete beharko dira:

• Ibilgailua aparkalekuan uzteko txartela titularrak ibilgailua gidatzen duenean edo bertan berori garraiatzen denean bakarrik erabili ahal izango da.
• Txartela ibilgailuaren aurreko aldean jarri behar da, txartelaren aurkia argi eta garbi ikus dadin ibilgailuaren kanpoaldetik eta agintaritza eskudunak azter dezan halaxe eskatu badu.
• Txartela baliozkoa izango da horretarako seinalatutako lekuetan aparkatzeko, baita aparkatzea debekatuta dagoen lekuetan ere, ezinbesteko denboraz, eta ondoko salbuespenak kontuan izanik:

• Oinezkoentzako aldeak, nasak edo espaloiak eta oinezkoentzako pasabideak.
• Gelditzea debekatuta dagoen lekuak.
• Ibiak edo larrialdiko irteerak ixten dituzten lekuak.
• Zirkulazio erraiak murrizten dituzten eremuak ("bigarren ilara").