Euskara ikasteko diru-laguntzak

• Tramite hau Pegoran egin daiteke
• Deskargatu dokumentuak

Bete beharreko baldintzak: Eibarko Udal Euskaltegiak eta Eibarko AEK-k 2011-2012 ikasturtean eskainitako euskalduntze-alfabetatze ikastaroetan matrikulatuta egon diren eta honako baldintza hauek betetzen dituztenek jaso ahal izango dituzte diru-laguntzak, beti ere DLOren 13. artikuluko debekuren baten eraginpean ez badaude:

• Guraso edo tutoreak, Eibarren erroldatutako 12 urte arteko (2000-01-01etik aurrera jaiotakoak) seme-alabaren bat dutenak.
• Merkatariak/ostalariak edo zerbitzuen sektoreko enplegatuak, Eibarren egoitza duten establezimenduetan enplegatuta daudenak.
• Eibarren egoitza duten eta euskara plana duten enpresetan enplegatuta dauden pertsonak.
• 65 urte edo gehiagoko jubilatuak.

Esandakoez gain, baldintza hauek ere bete behar dituzte eskatzaileek:

• Eibarren erroldatuta egon behar da.
• Gutxienez %85eko asistentzia izan behar du ikastaroan zehar.

Tramitatzailea: Eibarko Udaleko Euskara Saila.

Eskaera egiteko tokia: PEGORA, Herritarren Zerbitzurako Bulegoa.

Eskaera egiteko epea: 2012ko abuztuaren 31 da azken eguna.

Aurkeztu behar den dokumentazioa:

• Diru-laguntza eskaera orria behar bezala beteta.
• Eskaera egin duen pertsonaren NANaren edo baliokidea den agiri baten aldakia.
• Frogagiria, eskatzaileak duen banku kontuaren titularitatearena; eskaera egin duen pertsonaren identitatearekin bat etorri behar dena (laburpen bankariaoren aldakia; aurrezki libretaren aldakia; banketxeak luzatutako ziurtagiria edo diru-laguntzetarako eskaera-orrian bertan dagoen KONTU ZENBAKIA atalean bertan banketxeak emandako zigilua).
• Euskaltegiko ziurtagiri originala, ikastaroan gutxienez %85eko asistentzia izana egiaztatu duena.
• Matrikularen ordainketaren frogagiria.
• Merkatara/ostalari edo enpresa bateko langileen kasuan, lan kontratuaren kopia edo TA2.
• Enpresa bateko langileen kasuan, enpresak emandako ziurtagiria euskararen erabilera eta ezagutza bultzatzeko egitasmoa baduela ziurtatzen duena.