Udaltzaingoaren oharra: XLI VALENCIAGAREN OROIMENEZKOA
2012/03/30
Txirrindulari lasterketa: aldaketak aparkalekuetan eta trafikoan.
Datorren igandean, apirilak 1, XLI Valenciagaren Oroimenezkoa txirrindulari lasterketa jokatuko da. Horrek hainbat aldaketa egitea ekarriko du trafikoan nahiz aparkalekuetan:
APARKALEKUAK
- Debekatuta egongo da aparkatzea Bidebarrieta kalearen ezkerreko aldean 1 zenbakitik Merkatu Plazaraino (zenbaki bakoitiak).
- Debekatuta egongo da aparkatzea Isasi kaleko 16 zenbakitik Kantoi bidegurutzeraino.
- Ez da aparkatzerik izango Torrekuako aparkalekuan (Valenciaga enpresa zaharra zegoen orubean) lasterketan parte hartuko duten taldeen ibilgailuak laga ahal izateko.
- Legarre eta Arrate-Bide inguruan ere aparkatzea debekatu egingo da.
TRAFIKOA
- Irteera neutralizatua 09:00etan izango da Calbetón kalearen hasieran.
- 12:15ean lasterketa Donostiaranzko norabidean pasatuko da: Ermutik sartu eta Otaolatik zehar Kantoiko bidegurutzean ezkerretara hartuko dute txirrindulariek, Ixuarantz.
- Helmugaratzea 13:00etan izatea aurreikusten da. Txirrindulariak Azitaindik sartuko dira eta Loiolatik gora, kontrako norantzan, Karmen, Urkizu, Bidebarrieta, Calbeton, Untzagako Plaza eta Isasira iritsiko dira. Helmuga Armeria Eskolaren parean egongo da.
- Errepidea eten egingo da hainbat minutuz txirrindulariak iristerakoan.
AHOLKUAK
- Jarritako seinalizazioak agindutakoa bete.
- Gidariei eta oinezkoei, eta herritarrei oro har, kontu handiz ibiltzeko eskatzen zaie, batez ere helmugaratze inguruan.