Eibarko Udala

Non zaude
 
UMEAK ESKOLARA: 2010-2011 IKASTURTETIK AURRERA, 2TIK 6 URTE BITARTEKOAK ERE BAI
Udalak ikasten dauden Eibarko ume eta gazteei ematen dien 60,10 euroko laguntza horretan urte 2tik 25erakoak sartuko dira datorren ikasturtean, 2010-2011 ikasturtean. Orain arte, laguntza hori, 6tik 25 urte bitarteko umeendako eta gazteendakoa zen.

Horrela Eibarko udalak bere gobernu-programan (2007-2011) jasotakoa bete egiten du, programa hartan familiendako laguntza hori hedatzeko asmoa islatzen baitzuen. Udal erroldaren estatistikek jasotzen duten bezala, aurtengo urtean laguntza hori jasoko dutenak 1200 ume eta gazte inguru izango dira.

Laguntza-kopuruaren igoera horri aurre egiteko, 2010eko aurrekontuetan 180.120 euroko kontu-sail bat jaso da (2009. urtean baino 77.000 euro gehiago). “Umeak Eskolara" programa 2000-2001 ikasturtean jaio zen, eskolarako materiala, kirol materiala, arropa, oinetakoak... erosten laguntzeko. Laguntza jasotzeko derrigorrezkoa dena da artikulu edo gauza horiek gure herriko dendetan erostea. Gehieneko zenbatekoa 60,10 eurokoa da gazte edo ume bakoitzeko.Martxan jarri zenetik 16.131 eskaera onartu dira.