Sarrera arinak
Sisteman sartu eta zure tramiteak Internet bidez egiteko, ondoren adierazten diren pausuak jarraitu behar dituzu:
- ONLINE TRAMITEAK izeneko ikonoa sakatu, testu honen azpian dagoena.
- UDAL ZERBITZU TELEMATIKOAK izeneko leiho bat zabalduko da; ezkerraldean nahi duzun zerbitzua aukeratu (udal errolda, tasak/zergak, ordainagiriak).
- Zure ONA txartela edo NAN elektronikoa irakurgailuan ipini; AUTENTIFIKATU botoia sakatu.
- TESTU-SINADURA izeneko leiho bat zabalduko da; hor SINATU botoia sakatu eta zure Pina sartu.
Zer da on-line tramiteak zerbitzua?
Eibarko Udalarekin tramiteak egiteko internet bidez eskaintzen den zerbitzua da. Zerbitzu berri hau, orain arte, bertara etorrita eta telefonoz (010) deituta, tramiteak egiteko egon diren modu bi horiei gehitzen zaie.
Tramiteak on-line egiteko zerbitzuak, gehien egiten diren tramiteak internet bidez egiteko aukera ematen dizu. Eibarko udalak, pixkanaka, on-line sartuko ditu hiritarrek eta enpresek udalean egin ditzaketen gainerako tramite eta eskaera guztiak.
Zeintzuk dira Eibarko Udalarekin on-line bidez egin ditzakedan tramiteak?
Biztanleen udal errolda:
- Zure datuak Biztanleen Udal Erroldan kontsultatu.
- Zure etxebizitzan erroldatutako pertsonen datuak kontsultatu.
- Zure errolda-aldaketen historikoa ikusi (udalen arteko plataforman sartuta dagoen beste edozein udalerritan egindakoak ere bai).
- Erroldaren ziurtagiria eskatu. Horrela PDF formatuko dokumentu bat eskuratuko duzu sinadura digitalarekin, beraz, lege aldetik balioa duena.
Tasak eta zergak:
- Zure izenean dauden tasak eta zergak kontsultatzeko aukera duzu (ibilgailuak, ondasun higiezinen zerga, ura, estolderia, zaborrak...); indarrean daudenak eta ez daudenak.
Erreziboak:
- Zure izenean dauden tasa eta zerga guztien erreziboak kontsultatzeko aukera izango duzu. Hasiera batean, ordaindu gabeak azalduko dira, helbideratuak egon arren (kobrantza borondatezko epearen amaieran egiten da).
- Ordainduta dauden aurreko errezibo edo ordainagirien kontsulta.
- Ordaindu barik dituzun ordainagirien edo erreziboen ordainketa egin (prozedura, sistema seguru baten bidez egiten da, Eusko Jaurlaritzaren ordainketa-ategia erabiliz).
On-line Tramiteak zerbitzua erabiltzeko ze txartel edo ziurtagiri dira balekoak?
On-line tramiteak internet bidezko tramiteak egiteko aintzat hartzen diren ziurtagiri elektronikoen erabileran oinarritzen dira, betiere erabateko segurtasun eta konfidentzialtasun bermeak eskainiz.
Txartela plastikozko euskarri soila da; garrantzitsuena "txipa" da. Pieza txiki horrek "ziurtagiri digitala" ahalik eta modurik seguruenean gordetzeko balio du.
Gaur egun Eibarko udalak onartzen dituen ziurtagiriak hauek dira:
- ONA Txartelaren ziurtagiria, udalak, Hiritar eta Osasun Txartel berri hau garatu duen Eusko Jaurlaritzarekin batera, doan eskaintzen dizuna.
- NAN elektroniko berrian sartuta dagoen ziurtagiria.
Zer behar dut tramiteak Internet bidez egiteko?
1.- Ziurtagiri baliodun bat edukitzea.
"Ziurtagiri baliagarri bat" kode informatiko pertsonala da, legez aitortua den agintari batek luzatzen duena (IZENPE, Moneta eta Tinbre Fabrika Nazionala, eta abar) eta ordenagailu batek irakurri ahal duen gailu batean grabatutakoa (normalean, txartel txipduna). Zure ziurtagiri balioduna ONA Hiritar Txartelean edo NAN agiri elektronikoan daukazu.
2.- Zure ordenagailuak txipdun txartela irakurtzeko gailua eduki behar du.
"Txartel irakurgailua" zure ordenagailuaren USB sarrerarekin oso erraz konektatzen den gailua da, sagua bezala. Nahiz eta puntako ordenagailu gehienek irakurgailu mota hori eduki unitate nagusian edo teklatuan, oraindik ez da ohikoa. Edozein informatika dendan eros dezakezu txartel irakurgailua.
3.- Zure ordenagailuan software berezia instalatua eduki behar duzu.
Zure ordenagailuan irakurgailuak eta txartelak funtzionatzeko software bat instalatu behar da, hau da, programa informatiko batzuk. Programa informatiko horiek Eusko Jaurlaritzako webgunetik zuzenean deskargatu ahal dituzu.
Tramiteak Internet bidez egiteko, sakatu honako ikonoa:
